FLASH
Shkruar nga Pamfleti
Pas bisedës me Aleksandër Vuçiç, presidenti i Turqisë, Recep Tayyip Erdogan, ka zhvilluar një telefonatë dhe me kryeministrin e Kosovës, Albin Kurti.
Sipas njoftimit të presidencës turke, në këto biseda është trajtuar edhe çështja e fundit e tensioneve në veri të vendit, për çka ai ka thënë se dialogu është e vetmja metodë për paqen dhe stabilitetin afatgjatë në rajon.
“Gjatë bisedave ku u adresuan marrëdhëniet bilaterale dhe çështjet rajonale, presidenti Erdogan, në lidhje me zhvillimet që po ndodhin në veri të Kosovës, deklaroi se sigurimi i progresit në procesin e dialogut është metoda e vetme për ndërtimin e paqes dhe stabilitetit afatgjatë në rajon”, njoftoi presidenca.
Presidenti turk vuri në dukje se “Turqia është e gatshme të japë kontributin e nevojshëm në procesin e dialogut”.
Në biseda, Kurti dhe Vuçiçi e kanë uruar homologun e tyre turk për rizgjedhjen.
Lini një Përgjigje