FLASH
Shkruar nga Pamfleti
Në fjalimin e tij nga dritarja e banesës ku ndodhet në arrest shtëpie, Sali Berisha nuk i kurseu edhe akuzat për Lulzim Bashën, ndonëse nuk e përmendi në asnjë moment me emër dhe mbiemër.
Berisha tha se ka ikur koha e betejave të tradhtuara dhe e opozitës së kontrolluar, referuar këtu opozitës së bërë nga Lulzim Basha, dikur një aleat shumë i ngushtë i tij.
Më tej Berisha shtoi se kjo është arsyeja se përse Edi Rama është “xhindosur” dhe se qëllimi i tij është pikërisht për t’i dhënë ndëshkimin e merituar kryeministrit.
“Populli opozitar qëndroi gjatë këtyre viteve, por ai nuk u mbështet. Një betejë të pashembullt në Europë bënë artistët në mbrojtje të Teatrit. Një betejë qytetare të pashembullt bënë banorët e Astirit për të drejtat e tyre. Një betejë të fuqishme që tronditi themelet e narkokracisë bënë studentët. Por këto beteja nuk realizuan qëllimet e tyre të mëdha, kauzën e tyre të drejtë, ato i vrau indiferenca e pafalshme, por edhe tradhtia e tyre. Kjo këtu është beteja pa kthim, është beteja e fitore, është beteja e cila do ti japë Edi Ramës ndëshkrimin e merituar në emër të të gjithë beteja të tjera.
Miqtë e mi! Pasi vendosi mediat në kontroll Ourellian, pasi rrëmbeu me makinerinë e frikës dhe terrorit, dhe industrinë e blerjes, votën e shqiptarëve, ai u vërsul me egërsi edhe asaj që kishte mbetur opozitë, por që në fakt përfaqësonte mbi 600 mijë shqiptarë. Edi Rama duhet ta dini mirë, dhe ua them këtu, u vërsul sepse ai kuptoi që ka ikur koha e betejave të tradhtuara, ka ikur koha e opozitës së kontrolluar.
Ai e kuptoi se opozita me të drejtën e saj doli në shesh, nisi betejën pa kthim. Demokrate dhe demokratë. Kjo protesta këtu e përnatshme është protesta e kthesës së madhe. Të lumtur janë ata që do të marrin kthesën do të bashkohen me këtë protestë, sepse do u qëndrojnë idealeve të tyre. Koha e kontrollit të opozitës ka marrë fund. Koha e mashtrimit nga opozita ka marrë fund. Koha e betejave të humbuar nga opozita ka marrë fund”, tha Berisha.
Lini një Përgjigje