
Presidentja e Kosovës Vjosa Osmani i ka dorëzuar shkrimtarit të njohur Ismail Kadare Dekretin e nënshtetësisë së Republikës së Kosovës.
Me anë të një postimi në rrjete sociale, Osmani shprehet se shkrimtari Kadare vazhdon të pushtojë botën me rrëfimet e tij.
"Sot shkrimtarit tonë të madh Ismail Kadare, nderit të kombit tonë, ia dorëzova Dekretin e nënshtetësisë së Republikës së Kosovës.
Mirë se vini Ismail Kadare në familjen e madhe të Kosovës! Rrëfimet tuaja le të vazhdojnë ta pushtojnë botën duke na kujtuar fuqinë e letërsisë për t`i formësuar perspektivat, sfiduar normat dhe nxitur dialogun!", shkruan Osmani.
Lini një Përgjigje