FLASH
Shkruar nga Pamfleti
Nuk ndalen aksidentet automobilistike në vend. Mësohet se një tjetër aksident ka ndodhur mbrëmjen e sotme në zonën e Trenit në Tiranë.
Një automjet me targa të huaja ka humbur kontrollin e mjetit dhe është përplasur me barrierat ndarëse të rrugës, duke marrë përpara edhe një pemë.
Pas aksidentit që dyshohet se është shkaktuar si pasojë e shpejtësisë së lartë, drejtuesi i mjetit është larguar nga vendi i ngjarjes, por policia e ka identifikuar pasi i ka rënë targa.
Fatmirësish nuk ka pasur persona të lënduar, ndërsa zona ku ka ndodhur aksidenti ka qenë fare pranë vijave të bardha e po ashtu me lëvizje të lartë automjetesh.
Ndërkohë, një tjetër aksident ndodhi pasditen e sotme në Tiranë, në zonën e Laprakës, kuu përfshirë 6 automjete dhe u plagosën 3 persona.
Gjithashtu, një aksident i rëndë ndodhi në Tushemisht, Pogradec, ku mbetën të plagosur 4 persona. Konkretisht janë plagosur dy shoferët e mjeteve si dhe 2 pasagjerët.
Lini një Përgjigje