FLASH
Shkruar nga Pamfleti
Një tjetër ngjarje e rëndë ka ndodhur mbrëmjen e djeshme në një familje në Fier ku një 28 vjeçare është plagosur me armë zjarri nga bashkëshorti i saj.
Sipas policisë mësohet se ngjarja ka ndodhur në lagjen “Sheq i Madh”në Fier, ku një 49 vjeçari, Robert Kotsi pas një konflikti me bashkëshorten e tij, Nertila Furrxhiu, e ka plagosur atë me armë zjarri pistoletë dhe është larguar.
"Plagosi me armë zjarri bashkëshorten dhe u largua nga vendngjarja, falë reagimit në kohë të Policisë, kapet dhe vihet në pranga autori.
Pas njoftimit të marrë se në lagjen “Sheq i Madh” ka ndodhur një plagosje me armë zjarri, shërbimet e Policisë kanë shkuar menjëherë në vendngjarje dhe nga veprimet e para hetimore, rezultoi se shtetasi R. K., 49 vjeç, pas një konflikti me bashkëshorten e tij, shtetasen N. F., 28 vjeçe, e ka plagosur atë me armë zjarri pistoletë dhe është larguar.
Shërbimet e Policisë janë vënë në ndjekje të autorit, kanë rrethuar zonën dhe falë veprimeve të shpejta operacionale, pas disa minutash, bënë të mundur kapjen dhe arrestimin në flagrancë të tij. U sekuestrua në cilësinë e provës materiale arma me të cilën shtetasi R. K. plagosi bashkëshorten e tij.
Shtetasja N. F. ndodhet në spital, në kujdesin e mjekëve. Grupi hetimor ndodhet në vendngjarje dhe në bashkëpunim me Prokurorinë vijon punën për sqarimin e plotë të rrethanave të ngjarjes.", njofton policia.
Lini një Përgjigje