FLASH
Shkruar nga Pamfleti
Një 30-vjeçar është shpallur në kërkim, pasi mësohet se u vuri zjarrin dy automjeteve të xhaxhait të tij.30-vjeçari Marjus Xhepa dogji automjetet e xhaxhait 66-vjeçar në oborrin e banesës.
Sipas informacioneve të policisë, shkak janë bërë konfliktet për pronat.
"Shërbimet e Komisariatit të Policisë Nr. 6, menjëherë pas marrjes së njoftimit se në rrugën “Hamdi Cenoimeri”, ishin djegur 2 automjete të parkuara në oborrin e banesës së shtetasit 66 vjeç, kanë shkuar në vendngjarje, me qëllim kryerjen e veprimeve hetimore.
Nga veprimet e para hetimore është identifikuar autori i dyshuar, shtetasi 30 vjeç, i cili dyshohet se për motive pronësie, ka djegur 2 automjetet e xhaxhait të tij.
Vijon puna për kapjen e 30-vjeçarit dhe për dokumentimin ligjor të rastit.
Materialet procedurale i kaluan Prokurorisë, për veprime të mëtejshme", njofton policia.
Lini një Përgjigje