FLASH
Shkruar nga Luçiano Boçi
Një Gjykatë që nuk di me dashje në arsyetim se ç’është liria, është shërbëtore e verbër e armiqve të lirisë.
Që një Gjykatë të deformojë konceptet bazë të drejtësisë dhe lirisë të Kushtetutës së një vendi, ngjan si fanta-shkencë.
Por në Shqipëri është një realitet.
Dhe kjo ndodh sepse Gjykatat dhe institucionet e sotme të drejtësisë janë nën efektin e fushatës politike dhe i kanë kapur ethet e votave për të mbajtur në këmbë veten, nëpërmjet Ramës.
Shërbimi i tyre duket pa kushte në rastin e interpretimit të kërkesës së Z. Berisha dhe pa shumë PA të tjera: pa logjikë juridike, pa paanësi politike, pa profesionalizëm dhe pa konsideruar kushtetutën.
Është një tmerr juridik i përzier me meskinitet human dhe humor të zi.
Degradimi dhe dorëzimi është kaq i plotë sa e bën të panevojshëm dhe formalitetin e tyre protokollar me nota pompoziteti, pa pikë dinjiteti.
Një Gjykatë që nuk di me dashje në arsyetim se ç’është liria, është shërbëtore e verbër e armiqve të lirisë.
Te atyre armiqve, parlamenti i të cilëve e trajton atë dhe vendimet e saj si zhele, duke ia tundur Xhaçkën si mollë të ndaluar.
Të atyre armiqve të lirisë dhe kushtetueshmërisë që vendimin e saj për Teatrin po e gropos dhe e betonizon faqe botës.
Gjykatë mjerane e dorëzuar pa kushte!
Lini një Përgjigje