FLASH
Shkruar nga Pamfleti
Agjencia iraniane e lajmeve Tasnim, raportoi këtë të diele se një helikopter që transportonte presidentin iranian Ebrahim Raisi është përfshirë në një incident gjatë vizitës së tij në Azerbajxhanin Lindor.
Avioni kishte një “ulje të vështirë” dhe ekuipazhet e emergjencës deri më tani nuk kanë mundur të arrijnë në zonë për shkak të kushteve të mjegullës. Në mesin e pasagjerëve ishin Raisi, ministri i
Punëve të Jashtme Hossein Amir Abdollahian, guvernatori i Azerbajxhanit lindor Malik Rahmati, raporton CNN.
“Që kur u raportua ky incident në lidhje me helikopterin e presidentit Forcat e Ndihmës së Gjysmëhënës së Kuqe dhe forcat ndihmëse ushtarake dhe të zbatimit të ligjit kanë filluar një përpjekje të gjerë për të gjetur këtë helikopter. Disa nga shoqëruesit e presidentit në këtë helikopter ishin në gjendje të komunikonin me Shtabin Qendror, duke rritur shpresat se incidenti mund të kishte përfunduar pa viktima,” raportoi Tasnim.
Helikopteri ishte pjesë e një kolone prej tre helikopterësh. Dy nga ata helikopterë po transportonin ministra dhe zyrtarë që arritën në destinacionin e tyre të sigurt.
Pasagjerët që ndodhen në helikopter përfshijnë: Presidenti i Iranit, Ibrahim Raisi; Ministri i Jashtëm i Iranit, Hossein Amir Abdollahiyan; Ajatollah Al-Hashemi, Imam i Xhamisë së Tabrizit; Guvernatori i Provincës së Azerbajxhanit Lindor, Malik Rahmati
Lini një Përgjigje