FLASH
Shkruar nga Pamfleti
Pasojat e luftës në Lindjen e Mesme po ndihen gjithnjë e më shumë në tregjet globale të energjisë, duke shkaktuar mungesa të karburantit për avionë dhe naftës, fillimisht në Azi dhe me gjasë së shpejti edhe në Evropë.
Kreu i Agjencisë Ndërkombëtare të Energjisë, Fatih Birol, paralajmëroi se situata është serioze, duke theksuar se “problemi më i madh sot është mungesa e karburantit për avionë dhe naftës”.
Ai bëri të ditur se ndikimi është tashmë i dukshëm në Azi, ndërsa Evropa mund të përballet me të njëjtin skenar brenda pak javësh, duke shtuar se kjo mund të ndodhë “këtë muaj ose ndoshta në fillim të majit”.
Birol shpjegoi se furnizimet globale po shterojnë, pasi në mars tregjet ende përfitonin nga ngarkesat e nisura më herët nga Lindja e Mesme, por situata ka ndryshuar. “Në prill, nuk ka asgjë”, u shpreh Birol.
Paralajmërimet e tij përputhen edhe me deklaratat e fundit nga industria dhe zyrtarë europianë, të cilët kanë ngritur shqetësime për një krizë të mundshme energjetike nëse konflikti me Iranin vazhdon.
Ndërkohë, çmimet e karburantit për avionë janë rritur ndjeshëm, duke u më shumë se dyfishuar krahasuar me shkurtin. Si pasojë, linjat ajrore kanë nisur të rrisin çmimet e biletave dhe të reduktojnë fluturimet.
Lini një Përgjigje