FLASH
Shkruar nga Pamfleti
Mounir el-Boursh, drejtori i Ministrisë së Shëndetësisë në Gaza, ka hedhur poshtë pretendimet izraelite për një tunel që dyshohet se u gjet nën spitalin al-Shifa, duke i cilësuar si një “gënjeshtër e pastër”.
“Ata kanë qenë në spital për tetë ditë … dhe megjithatë ata nuk kanë gjetur asgjë,” tha ai. Spitali ka evakuuar pacientët dhe stafin që kur trupat izraelite nisën të kërkonin objektet e fshehura të Hamasit.
Forcat e Mbrojtjes së Izraelit publikuan më herët të dielën një video, ku tregohej një tunel 10 metra nën kompleksin spitalor al Shifa.
IDF tha se tuneli ishte 55 metra i gjatë dhe përmbante “mekanizma të ndryshëm mbrojtës” dhe një derë rezistente ndaj shpërthimit me një armë zjarri.
Izraeli thotë se tuneli ishte i pajisur me shkallë, një derë të blinduar dhe një të çarë që mund të përdoret nga snajperët për të bllokuar forcat izraelite që të hyjnë brenda. Izraelitët thonë gjithashtu se boshti i tunelit ishte në një pjesë të kompleksit spitalor ku javën e kaluar u gjet një automjet i mbushur me armë.
Ushtria izraelite është nën trysni për të mbështetur pohimet e saj se spitali Al-Shifa është përdorur si bunker e qendër komanduese e Hamasit, grupit militant palestinez që Shtetet e Bashkuara e kanë shpallur si organizatë terroriste.
Lini një Përgjigje