FLASH
Shkruar nga Pamfleti
Sekretari i Përgjithshëm i OKB-së është takuar me presidentin ukrainas, Volodymyr Zelensky në Kiev, ku i bëri thirrje Rusisë që të pranojë zgjatjen e marrëveshjes së grurit të Detit të Zi
Ata duan një zgjatje të marrëveshjes, e cila i lejon Ukrainës të eksportojë grurë nga portet e saj të bllokuara të Detit të Zi dhe lejon Rusinë të eksportojë ushqime dhe plehra.
Pas diskutimeve me Guterres në Kiev, Zelenskyy tha se marrëveshja e grurit është e nevojshme për botën dhe shmangien një krize ushqimore.
"Eksportet e ushqimeve dhe plehrave të Ukrainës dhe Rusisë janë thelbësore për sigurinë globale të ushqimit dhe çmimet e ushqimit", tha shefi i OKB-së.
Marrëveshja 120-ditore, e ndërmjetësuar fillimisht nga Kombet e Bashkuara dhe Turqia në korrik dhe e zgjatur në nëntor, do të rinovohet më 18 mars nëse asnjë palë nuk kundërshton.
Por Moska është shprehur se komplikimet në eksportet e saj bujqësore duhet të hiqen përpara se të lejojë që marrëveshja të rinovohet.
Lini një Përgjigje