FLASH
Shkruar nga Pamfleti
Familja Murdoch arriti një marrëveshje lidhur me atë se kush do e trashëgojë perandorinë mediatike të me manjatit Rupert Murdoch, pas vdekjes së tij.
Dhe bazuar në këtë marrëveshje, djali i tij "i zgjedhur", Lachlan, do të vazhdojë "zërin e tij konservator në botën anglishtfolëse" pas vdekjes së tij.
Pas një beteje ligjore për trashëgiminë, familja njoftoi një marrëveshje që do të përcaktojë të ardhmen e perandorisë së fuqishme mediatike. Lachlan Murdoch siguroi udhëheqjen për dekadat e ardhshme, duke blerë aksionet e tre vëllezërve dhe motrave të tij më të mëdhenj, Prue , Liz dhe James , për 1.1 miliardë dollarë secili.
Kjo vjen pas viteve të tëra tensionesh midis manjatit të medias dhe tre fëmijëve të tij mbi të ardhmen e gazetave dhe rrjeteve televizive të familjes, duke përfshirë Fox News, Wall Street Journal dhe New York Post.
Trazirat e brendshme të familjes Murdoch shërbyen si frymëzim për dramën televizive të suksesshme “Succession” dhe marrëveshja e njoftuar të hënën, finalja e historisë së vërtetë, i jep fund të gjitha betejave ligjore mbi trustin familjar.
Vëllezërit dhe motrat më të mëdhenj të Lachlan, të cilët janë më të moderuar politikisht, do të shesin aksionet e tyre në Fox dhe News Corp në muajt në vijim. Ata gjithashtu do të emërohen si përfitues të një fondi të ri, i cili do të marrë para në dorë nga shitja e rreth 14.2 milionë aksioneve të News Corp dhe 16.9 milionë aksioneve të Fox Corp.
Shitja e aksioneve të tyre do t’i shtonte trashëgimisë ekzistuese të tre vëllezërve, por do t’i pengonte ata të kishin ndonjë ndikim mbi prirjet politike të grupit mediatik të familjes. James është distancuar nga biznesi i familjes së tij vitet e fundit, duke përmendur mosmarrëveshjet mbi përmbajtjen editoriale.
Lachlan është aktualisht kryetar i News Corp, e cila përfshin Wall Street Journal dhe Times midis botimeve të saj. Ai konsiderohet gjerësisht si më konservatori politik nga fëmijët më të mëdhenj të Rupertit.
Matthew Ricketson, një profesor i komunikimit në Universitetin Deakin në Melbourne, tha se beteja “e hidhur” ligjore kishte të bënte me “kontrollin familjar” të një perandorie të madhe që Rupert e kishte përshkruar gjithmonë si një “biznes familjar”. “Duket se ai e ka shkatërruar familjen e tij gjatë këtij procesi”, tha ai për emisionin Today të BBC-së.
"Çështja tani është zgjidhur, por nuk mund t’i shohësh të gjithë shumë të lumtur për këtë dhe ironia e hidhur është se Rupert Murdoch gjithmonë ka thënë se e ka ndërtuar këtë biznes, është një biznes familjar, ai dëshiron që familja e tij ta marrë përsipër kur ai të vdesë përfundimisht.
Udhëheqja, vizioni dhe menaxhimi i kryetarit të kompanisë, Lachlan Murdoch, do të vazhdojnë të jenë të rëndësishëm në udhëheqjen e strategjisë dhe suksesit të kompanisë”, tha News Corp në një deklaratë.
Nga gjashtë fëmijët e Rupertit, katër më të mëdhenjtë janë përfshirë në një betejë ligjore mbi të ardhmen e kompanisë. Fëmijët e tij më të vegjël nga martesa e tij me Wendi Deng Murdoch, Chloe dhe Grace, janë gjithashtu të listuar si përfitues në fondin e ri familjar.
Lachlan ka drejtuar perandorinë mediatike që kur Rupert dha dorëheqjen në shtator 2023, megjithëse Murdoch Sr. mbeti si kryetar emeritus si i Fox Corporation ashtu edhe i News Corp.
Lini një Përgjigje