FLASH
Shkruar nga Pamfleti
Një tjetër paketë sanksionesh kundër sektorit energjetik të Rusisë e miratuar nga qeveria amerikane të premten mund të rrisë çmimet e gazit në Shtetet e Bashkuara tha presidenti amerikan Joe Biden.
"Është e mundshme që çmimet e gazit mund të rriten deri në 3-4 cent për gallon," tha ai në një konferencë shtypi kur iu bë një pyetje përkatëse.
Industria e Naftës e Serbisë u sanksionua nga Departamenti i Financave i Shteteve të Bashkuara më 10 janar, pasi është nën pronësinë e kompanisë ruse Gazprom Nefta.
NIS-i u përfshi në listën e gjashtë kompanive që "janë në pronësi ose kontrollohen, veprojnë ose dyshohet se veprojnë për ose në emër të, drejtpërdrejt ose tërthorazi, Gazprom Nefta".
NIS është kompania e vetme në Serbi, e cila merret me kërkimin, prodhimin dhe rafinimin e naftës dhe me prodhimin e gazit natyror.
Kompania shtetërore ruse, Gazprom Neft, ka shumicën e aksioneve në NIS që nga viti 2008, ndërsa nga viti 2022, aksione ka edhe kompania e saj mëmë, Gazprom.
Gjithsej, ato kanë 56.15 për qind të aksioneve, kurse 29.87 për qind janë në pronësi të Serbisë.
Pjesa e mbetur u takon qytetarëve, punonjësve, ish-punonjësve dhe aksionarëve të tjerë më të vegjël.
Gazprom Neft është nën sanksionet evropiane dhe amerikane, për shkak të pushtimit rus të Ukrainës, por prodhuesi më i madh në botë i gazit, Gazprom, nuk i nënshtrohet embargos së vendeve perëndimore.
Lini një Përgjigje