FLASH
Shkruar nga Pamfleti
Vijon të jetë problematike situata me zjarret në vendin tonë, ndërsa veriu dhe jugu janë përfshirë nga flakët.
Me qindra hektar pyje me pisha, shkurre dhe kullota janë djegur si pasojë e aktivizimit e një vatre zjarri të madhe e cila u aktivizua të shtunën e kaluar sipër fshatit Planit të Bardhë të bashkisë Klos.
Zjarri përfshiu me shpejtësi një masiv të madh të pishave dhe kullota të cilët shtrihen deri në Qafën e Buallit
Për shkak të erës së fortë dhe temperaturave të larta, zjarret përparuan edhe në krahun e Bulqizës duke u ofruar afër bizneseve dhe qytetit.
Ndërkohë në terren u angazhuan ekipet e zjarrfikëse të Dibrës, Klosit dhe Bulqizës, Tiranës si dhe forca të Ministrisë së Mbrojtjes, por e kanë patur mjaft të vështirë dhe u kërkua ndërhyrja nga ajri me helikopterë, të cilët ndihmuan vënien në kontroll të zjarreve.
Forcat e armatosura si dhe shërbimet zjarrfikëse të cilët kanë punuar gjatë gjithë natës kanë vijuar punën edhe mëngjesin e sotëm për fikjen e vatrave të zjarrit të cilët janë ende aktive edhe pse janë me përmasa të vogla.
Lini një Përgjigje