FLASH
Shkruar nga Pamfleti
Stuhia “Ciaran” pushtoi vendin tonë ditën e djeshme, e cila shkaktoi jo pak dëme.
Reshjet e shumta të shiut te rëna prej ditës së djeshme dhe gjatë natës kanë shkaktuar probleme në rrugën e Arbrit ku në fshatin 'Fshat' është çarë asfalti dhe rruga kalohet me vështirësi. Po kështu ka dhe rënie gurësh herë pas here.
Pjesa e çarë e asfaltit është më shumë se një metër dhe po krijon vështirësi në lëvizjen e makinave. Disa shoferë janë detyruar të vendosin gurë poshtë gomave për të mundësuar kalimin e kësaj pjesë të çarë pasi gropa ka disa centimetra thellësi dhe makinat nuk mund ta kalojnë.
Probleme ka edhe rruga nacionale Klos-Bulqizë me rënien e gurëve.
Ndërkohë, një familje në Lezhë është bllokuar nga rritja e nivelit të ujit të një kanali dhe bllokimin e tij.
Familja ndodhet në fshatin Rraboshtë te Lezhës.
Strukturat e bashkisë Lezhë si dhe Kryetari i Njësisë Administrative janë njoftuar për rastin dhe në vendngjarje po shkojnë strukturat e emergjencat civile të bashkisë Lezhë, për zhbllokimin e kanalit.
Për shkak të reshjeve të dendura të shiut është dëmtuar ura e fshatit Panarit në bashkinë Korçë i njësisë administrative Vithkuq. Për pasojë kanë mbetur të bllokuara 34 familje.
Ekipet ndodhen në terren për hapjen e rrugës. Në këtë zonë ka pasur edhe rrëshqitje të dherave.
Lini një Përgjigje