FLASH
Shkruar nga Pamfleti
Pedagogu dhe aktivisti Ervin Goci, duke reaguar për rastin urgjent të shpëtimit të jetës së aktorit Genc Fuga, vendosi përballë sistemin shëndetësor shtetëror të falimentuar dhe fitoren e privatit, duke shtruar pyetjen: për sa kohë do të vazhdojmë t'ja besojmë jetët këtij ingranazhi vrasës?!
"Pardje, brenda harkut të 24 orëve, përtej betejës së aktorit për jetën e tij, që uroj ta ketë sa më të gjatë, u zhvillua një përballje me përmasa shoqërore mes nevojës së individit për të gëzuar kontributet që ia kalon publikut dhe sistemit te kalbur shëndetësor të privatizuar në esencë.
Betejën sigurisht e fitoi privati, pilarët e mrekullisë shëndetësore u zhduken, u zhyten shtatë pashë nën dhe, nuk kishin për të thënë gjë atë dite, ushtari i tyre, qytetari i zakonshëm bërtiti publikisht qe komanda e ka tradhëtuar, instanca është tretur, propaganduesit nuk diktohen, kanë marrë arratinë..
Pikërisht në momentin më fatal, kur gjithçka duket e humbur, situata e pakthyeshme, vjen energjia shoqërore qe nuk matet me cent apo numra, dhe siç ka ndodh gjithmonë ne histori, kryen aktin e shpëtimit, sepse te braktisja e aktorit gjen dramën e vet, dhe për instikt do ta(e) shpëtojë..
Nuk ka asnjë përfitim privat qe nuk merr diçka nga publiku, madje është e provuar qe gjenia individuale e ka burimin te kolektivja..mos u lodhni kot me këtë kontradikte se e kanë zgjidhur nobeliste këtë punë., pyetja është: dhe për sa kohe do te vazhdojmë t'ja besojmë jetët këtij ingranazhi vrasës?!", shkruan Goci.
Edhe deputeti i opozitës Tritan Shehu ka reaguar për rastin e aktorit Genc Fuga, i cili ishte në gjendje të rëndë shëndetësore dhe u mblodhën 19 mijë euro që të operohej në spital privat.
Në një postim në Facebook, Shehu denoncon se disa raste për jetë a vdekje nuk realizohen në QSUT. Ai thotë se ky është një turp dhe se në të tilla raste shteti duhet të kompensojë për pacientin pagesën e ndërhyrjes në spitalin privat.
Lini një Përgjigje