FLASH
Shkruar nga Pamfleti
Seanca e parashikuar për sot në Gjykatën Kushtetuese lidhur me ligjin e Akademisë së Shkencave nuk është zhvilluar.
Pavarësisht se përfaqësuesit e Partisë Demokratike ishin të pranishëm, administrata e gjykatës njoftoi se seanca nuk mund të mbahej për shkak të mungesës së një gjyqtari.
Ky lajm ka shkaktuar vonesa në shqyrtimin e çështjes, e cila ka të bëjë me ligjin që rregullon funksionimin e Akademisë së Shkencave. Gjykata Kushtetuese ka vendosur që seanca e ardhshme të zhvillohet më 28 janar, në orën 10:00.
Kujtojmë që PD, kërkon që ligji “Për Akademinë e Shkencave”, të shfuqizohet, si i papajtueshëm me Kushtetutën.
Ligjvënësja demokrate, Ina Zhupa, iniciuesja kryesore e padisë në Kushtetuese të këtij ligji, thotë se ai është miratuar në shkelje të plotë të procedurave parlamentare, duke anashkaluar pushtetin legjislativ dhe duke Kushtetutën e vendit.
Sipas Zhupës, gjthashtu ligji “Për Akademinë e Shkencave”, nuk respekton akademikët sepse nuk garanton barazinë e tyre para ligjit.
Ky ligj, që i jep mundësinë e mandatit të dytë Skënder Gjinushit sipas Zhupës, është një njollë e zezë për Akademinë e Shkencës.
'Ligji garanton vetëm futjen e hundës së politikës në Akademinë e shkencave dhe asgjë tjetër për Akademinë e Shkencave. Ky ligj në fakt u bë për të dhunuar akademizmin, për të dhunuar Akademinë e Shkencave', shprehet deputetja.
Në mesin e 37 firmëtarëve, Zhupa tha se nga grupi Basha ka firmosur vetëm Oriela Nebijaj ndërsa ka refuzuar të firmosë ish kryetarja e Komisionit të Medias, Flutura Açka.
Lini një Përgjigje