FLASH
Shkruar nga Pamfleti
Në deklaratën që dha këtë të enjte, Altin Dumani tha se janë përballur me përpjekjen për t’iu minuar puna e tyre me fyerje, shpifje dhe kërcënime ndaj tyre apo familjarëve.
Për këtë çështje është pyetur eksperti i kriminalistikës, Ervin Karamuço teksa ka dhënë një koment për këto kërcënime ndaj prokurorëve.
“Edhe krimi i organizuar nuk ka ngelur mbrapa. Kemi tre raste të konfirmuara dhe nuk dimë të tjera që mbahen sekret, raste ku janë kërcënuar nga krimi i organizuar. Ky fakt ka rritur masat e sigurisë dhe ka vënë në alarm polici të vendeve europiane”, tha eksperti.
Ai gjithashtu u ndal në një rast konkret të kërcënimit që sipas tij, vjen nga krimi i organizuar.
“Mund të them një nga tre rastet që përmenda ku fëmija i një prokurori, ka qenë me shkollim dhe është detyruar të ndërpresë studimet pasi është ndjerë i kërcënuar nga krimi i organizuar. Edhe pse është marrë në mbrojtje fëmija në fjalë nga policia e vendit përkatës, këta janë në një trysni të madhe, jo vetëm nga retorika e përditshme politike që i sulmon por edhe nga një rrezik real që vje nga ky krim i organizuar”, theksoi Karamuço.
Eksperti u ndal në një tjetër detaj duke theksuar se përtej të gjithave, po zhvillohen kontrolle të zarfeve që futen në SPAK pasi mendohet se kanë përmbajtje të rrezikshme.
“Janë rritur masat e sigurisë, po kontrollohen nëpërmjet aparaturave këto kohë edhe zarfat e mëdhenj që hyjnë në SPAK, që kanë fashikuj dhe dosje sepse ekziston mundësia që mund të ketë edhe zarfa me përmbajtje eksplozivi”, u shpreh Ervin Karamuço.
Lini një Përgjigje