FLASH
Shkruar nga Pamfleti
Duke komentuar garën për kreun e policisë, analisti Arjan Curri ka deklaruar se socialistëve u duhet një drejtor i ri policie për zgjedhjet e 2025.
Sipas Currit, drejtori i ri i Policisë së Shtetit do të jetë i paracaktuar.
“Mua mu duk që Rrumbullaku të dorëhiqej në atë mënyrë që u dorëhoq, me shkarkim. Të mos harrojmë se “Rrumbullakët” e tjerë ishin komentuar nga Partia Socialiste si grupi i çiftelisë nëse e mbani mend. Gjithsesi Rrumbullaku arriti të ribëhej me socialistët deri në momentin që nuk iu duhej më socialistëve. Tani socialistëve iu duhet një drejtor policie për zgjedhjet e 2025-s. Ky drejtor policie është i paracaktuar”, u shpreh Curri në “3D”.
Curi vuri në dukje se vetë ministri i Brendshëm nuk është politik dhe duke kërkuar që drejtori i ri i policisë së Shtetit të jetë i ri në moshë do të thotë që ka goditur brezin e vjetër.
Ai theksoi më tej se kreu i ri i Policisë së Shtetit do të përdoret për zgjedhjet e ardhshme parlamentare.
“Ministri për shembull është tekniko-taktik që nuk është politik tha se drejtori duhet të jetë i një brezi të ri.
Pra, pse të mos jetë i një brezi të vjetër. Mua më shqetëson kur është i ri sepse drejtori i ri i përgjithshëm i policisë duhet të jetë një njeri me shumë eksperiencë.
Fakti që është një i ri i bie të jetë i bindur dhe që është paracaktuar konkurrimi.
Gjithë brezi i Rrumbullakut që janë gjithë njerëzit me më përvojë në polici me të mirat e të metat, u këputën nga deklarata se në krye të policisë duhen njerëz të rinj. Plejada e re do të përdoret për fushatë elektorale, siç po përdoret plejada e re e deputetëve.
Është një skenar i njohur. Do të ketë një qëndrim të shkurtër dhe me dëshirë do të përdoret për fushatën zgjedhore”, tha më tej Arian Curri në RTSH.
Lini një Përgjigje