FLASH
Shkruar nga Pamfleti
Prokuroria e Posaçme, SPAK ka publikuar emrin e kandidatit të parë për 3 vendet vakante në këtë institucion.
“Në vijim të interesimit publik për kandidatët që duan të bëhen pjesë e Prokurorisë së Posaçme në SPAK, njoftojmë se deri tani ka aplikuar prokurori Albert Kuliçi”, bëri me dije SPAK.
Në vitin 2019 këtij prokurori iu vendos tritol në automjetin e tij të parkuar.
Kuliçi ka mbajtur detyrën e zv/drejtuesit të Prokurorisë së Vlorës duke hetuar disa prej ngjarjeve të bujshme ne qytetin bregdetar.
SPAK u konstitua në vitin 2019 dhe pritet që prokurorët të shpalosin strategjinë e tyre se si do ta luftojnë korrupsionin dhe krimin e organizuar.
Ndërkohë, kreyeprokurori Dumani një ditë më parë gjatë një takimi informal tha se SPAK-u shqiptar mund ta tejkalojë modelin rumun, qe hetoi dhjetëra ministra e zyrtarë. Por, për Dumanin e rëndësishme është provueshmëria.
Këshilli i Lartë i Prokurorisë bën thirrje që të kandidojnë të gjithë prokurorët që në momentin e kandidimit plotësojnë kushtet e mëposhtme:
1. Kanë ushtruar funksionin si prokuror për jo më pak se 10 vjet;
2. Nuk kanë masa disiplinore në fuqi;
3. Japin pëlqimin për kontrollin periodik të llogarive bankare dhe të telekomunikimeve
vetjake;
4. Sigurojnë pëlqimin e anëtarëve të afërt të familjes për kontrollin periodik të llogarive
bankare dhe të telekomunikimeve vetjake.
Lini një Përgjigje