FLASH
Shkruar nga Pamfleti
Ish-kreu i Bashkisë së Durrësit, Vangjush Dako është thirrur në Prokurorinë e Posaçme Anti-Korrupsion.
Mësohet se Dako do të pyetet në lidhje me dosjen e ish-deputetit Jurgys Çyrbja, ku do të japë shpjegime se kush është personi që ka propozuar që Çyrbja të vendosej si emri i pestë në listën e PS për zgjehdjet e fundit parlamentare, ku edhe mori mandatin e deputetit.
Dyshohet se ka qenë ndikimi nga bota e krimit ajo që ka ndikuar në vendosjen e tij në pozicion të sigurt në listë, në këmbim të sekreteve shtetërore.
Prokuroria e Posaçme ka dyshime se Çrbja njoftonte Altin Hajrin për aksionet e policisë, në mënyrë që t’i shpëtonte arrestimit.
Kujtojmë se një javë më parë, Gjykata e Posaçme e ka dënuar me 2 vite e 8 muaj burg Vagjush Dakon, i cili akuzohet se ka kryer veprën penale “shpërdorim detyre”, në dy raste.
Njëri rast, ka të bëjë me ndërtimin e një pallati në Durrës 11 vite më parë, i cili u shemb nga tërmeti në nëntor të vitit 2019 dhe rasti tjetër ka të bëjë me një tender për ndërtimin e një shëtitoreje në vitet 2014-2015, që i ka shkaktuar buxhetit të shtetit një dëm prej 18 milionë lekë.
Ish-deputeti i PS-së Jurgis Çyrbja është arrestuar me urdhër të SPAK.
SPAK ka ngritur ndaj Çyrbjas një sërë akuzash. Ai akuzohet për “Korrupsioni aktiv në zgjedhje”, “Përkrahja e autorit të krimit”, dhe “Tregëtimi i sekretit shtetëror nga shtetasit”.
“Jurgis Cyrbja, i dyshuar për kryerjen e veprave penale të “Korrupsioni aktiv në zgjedhje”, “Përkrahja e autorit të krimit”, dhe “Tregëtimi i sekretit shtetëror nga shtetasit””, thuhet nga SPAK.
Lini një Përgjigje