FLASH
Shkruar nga Pamfleti
Mbrojtësi holandez Virxhil van Dajk rinovoi sot deri në vitin 2027 kontratën e tij me Liverpulin. Kontrata e mëparshme skadonte më 30 qershor.
Lajmin e konfirmoi sot klubi anglez, që shtoi se 33-vjeçari do të qendrojë edhe për dy sezone të tjera në “Anfield Road”. Një lajm i shumëpritur për tifozët, që do të kenë ende kapitenin e tyre.
Një rinovim që vjen 6 ditë pas atij të Mohamed Salah, që gjithashtu rinovoi me dy vite kontratën e tij. Van Dajk luan me fanellën e “Reds” që prej vitit 2018, kur erdhi nga Sauthemptoni.
"Jam shumë i lumtur dhe krenar që luaj këtu. Kam shumë emocione në mendjen time tani që nënshkrova kontratën e re. Kjo mbetet një ndjenjë krenarie", tha Van Dajk.
"Është një ndjenjë gëzimi. Është thjesht e pabesueshme. Rrugëtimi që kam pasur deri më tani në karrierën time, të jem në gjendje ta zgjas atë me dy vite të tjera në këtë klub është i mahnitshëm dhe jam shumë i lumtur", shtoi holandezi.
Më tej, ai shtoi: "Liverpuli ishte gjithmonë në kokën time. Nuk kishte asnjë dyshim në kokën time se ky është vendi për të qenë për mua dhe familjen time".
View this post on Instagram
Lini një Përgjigje