FLASH
Shkruar nga Pamfleti
Starton “finalja” Shqipëri-Ukrainë në “Air Albania”, e cila njëkohësisht është edhe sfida e fundit e Ligës së Kombeve.
Një sfidë shumë e rëndësishme për vendin e parë në grupi B1, ku përballë njëra-tjetrës vihen 2 skuadrat që kanë vetëm 2 pikë diferencë mes tyre. Në fakt për kuqezinjtë e Silvinjos 3 pikët janë “jetike” për të vendosur fatet e tyre.
Kombëtarja jonë nuk do ta ketë aspak të lehtë përballë një rivali ndaj të cilit kanë kundër edhe statistikat. Në 7 duelet direkte mes tyre, 5 janë fituar nga Ukraina, me Shqipërinë që ia ka dalë vetëm në një rast të sigurojë fitoren, teksa në një tjetër sfidë gjithçka është mbyllur në barazim.
Fitorja e parë dhe e vetme deri tani e skuadrës sonë është para dy muajsh, ku kuqezinjtë triumfuan 2-1 ndaj ukrainasve në transfertë, takim i vlefshëm për Ligën e Kombeve.
Kuqezinjtë përballë ukrainasve kanë pësuar 15 gola, ndërsa kanë mundur të shënojnë vetëm 6. Statistika këto që tregojnë se Kombëtarja e drejtuar nga Silvinjo nuk ka rrugë tjetër veçse fitores.
Përveç ndeshjes mes Shqipërisë dhe Ukrainës, një sy është në Çeki pasi vendasit presin Gjeorgjinë.
Lini një Përgjigje