FLASH
Shkruar nga Pamfleti
Titulli kampion për të tretin sezon radhazi i ka siguruar Egnatias jo vetëm dominimin në futbollin shqiptar, por edhe një tjetër mundësi për t’u përballur me elitën e futbollit europian. Skuadra rrogozhinase do të marrë pjesë në edicionin e ri të Ligës së Kampioneve, me synimin për të siguruar një vend në fazat e grupeve të një prej kompeticioneve kontinentale për klube.
Pjesëmarrja këtë sezon pritet të ketë një veçanti të veçantë për kampionët e Shqipërisë. Për të paktën dy ditë, futbollistët e Egnatias do të ndajnë skenën e futbollit ndërkombëtar me ndeshjet e Kupës së Botës, pasi kalendari i UEFA-s përkon me fazat më të rëndësishme të turneut botëror.
Fati i Egnatias do të mësohet më 16 qershor, kur në Nion të Zvicrës do të hidhet shorti i turit të parë të Ligës së Kampioneve. Vetëm një ditë më pas, më 17 qershor, rrogozhinasit do të njohin edhe kundërshtarin e mundshëm në turin e dytë, ose alternativën në Ligën e Konferencës në rast se eliminohen nga kompeticioni më prestigjioz për klube në Europë.
Sipas kalendarit të UEFA-s, ndeshjet e turit të parë do të luhen më 7-8 korrik dhe 14-15 korrik. Këto data përkojnë me fazën e 1/8-ave dhe gjysmëfinalet e Kupës së Botës, duke i dhënë kështu Egnatias mundësinë të përjetojë atmosferën e një periudhe ku vëmendja e futbollit botëror do të jetë e përqendruar te ndeshjet më të rëndësishme të vitit.
Lini një Përgjigje