FLASH
Shkruar nga Pamfleti
Rodri është fitues i “Topit të Artë” për vitin 2024. Mesfushori spanjoll shpërblehet në mënyrën më të mirë të mundshme, për paraqitjet fantastike me Mançester Sitin dhe me kombëtaren e Spanjës.
Një paraqitje pozitive për Rodri, me 10 gola të shënuar dhe duke asistuar në 14 të tjera. Shifra mjaft të larta duke marrë parasysh që spanjolli luan në rolin e mesfushorit difensiv.
Ai dha një kontribut të jashtëzakonshëm për “Qytetarët” në fitimin e titullit rekord të katërt radhazi në Angli. Skuadra e drejtuar nga Pep Guardiola nuk humbi asnjë ndeshje në Premier Ligë me Rodri në fushë sezonin e kaluar. Shifrat janë më të vërtetë të frikshme, sa i përket golave dhe asisteve për sezonin 2023-2024, futbollisti është përfshirë në 17 gola.
Për Spanjën aktualisht kampione Europe, 28-vjeçari luajti 13 ndeshje këtë sezon, duke shënuar tre gola. Rodri, mposhti Vinisius në garën për “Topin e Artë”, duke “rrëmbyer” kështu këtë trofe të rëndësishëm.
Lini një Përgjigje