FLASH
Shkruar nga Pamfleti
Një gol i realizuar nga Ernest Muçi ndaj Goztepes, u zgjodh dje si më i bukuri për muajin dhjetor. Superliga turke e vlerësoi sulmuesin e Kombëtares për herë të dytë radhazi, pikërisht me të njëjtin çmim.
Gallatasaraji nuk duket se është dakord me këtë vlerësim. Sipas kryesuesve në Turqi, goli i Osimhem, që i dha fitoren atyre ndaj Samsunsporit duhet të ishte mbi realizimin e Muçit.
“Ishte kaq i jashtëzakonshëm sa nuk mund të krahasohej me asgjë”, është komenti i shpërndarë i Gallatasarajit për golin e Osimhem.
Muçi është padyshim kryefjala e pesë ndeshjeve të fundit në Superligën turke. Kjo pasi ka arritur të realizojë shtatë gola në total.
Lini një Përgjigje