
Rajo Vajekano e Ivan Balliut arriti një fitore spektakolare me përmbysje 2-1 ndaj Osasunës ku protagonist ishte edhe mbrojtësi i Kombëtares shqiptare, duke dhuruar asistin e golit të fitores në minutën e 84.
Miqtë gjetën të parët golin e avantazhit me anë të Gomez në minutën e 29, ndërkohë që Vajekano përmbysi rezultatin, në minutat 80 dhe 84. Fillimisht ishte Çavarria, i cili vendosi baraspeshën e përkohshme, ndërkohë që Palazon shënoi golin e fitores pas asistit të Balliut nga rivënia anësore.
Kjo fitore e ngjit skuadrën e mbrojtësit shqiptar në vendin e 14 me 34 pikë në 32 javë.
Lini një Përgjigje