FLASH
Shkruar nga Pamfleti
Çelsi thuhet se është i gatshëm t’i ofrojë katër lojtarë PSG-së plus para për Kilian Mbape. Ata janë të gatshëm të ofrojnë 120 milionë euro të për të joshur francezin të transferohet në “Stamford Bridge”.
Sipas një raportimi nga “El Nacional”, Rahim Stërling, Mark Kukurela, Sezar Azpilikueta dhe Romelu Lukaku mund t’i ofrohen PSG-së, së bashku me 120 milionë euro, për Mbape. Blutë janë gati të bëjnë një ofertë të çmendur për të marrë francezin në Londër.
Ekipi i drejtuar nga Poçetino po kërkon të forcojnë skuadrën e tyre dhe janë në kërkim të një sulmuesi këtë verë. Ata janë gati të shkojnë “all in” për Mbape, i cili pati një provë me klubin londinez kur ishte i ri.
Megjithatë, Blutë nuk mundën të arrinin një marrëveshje me sulmuesin, pasi nëna e tij nuk donte që ai të bënte një provë tjetër. Ish-skauti i Çelsit, Daniel Boga, i tha “The Athletic” për provën e Mbapesë:
“Dihet se çfarë ndodh në futbollin anglez, kur humb topin duhet të ndjekësh kundërshtarin. Ai nuk ishte i tillë. Kur humbi topin, ai ndaloi së luajturi.
“Çelsi tha: ‘Ne duam ta shohim përsëri dhe ne duam të shohim këtë pjesë të futbollit të tij’. Por më pas mamaja tha: ‘Jo, nuk do të vijmë më’. Unë po përktheja dhe ajo tha: ‘Thuaji ose e marrin tani, ose kurrë’. Dhe ajo shtoi, ‘Pas pesë vjetësh, do të ktheheni për të për 50 milionë sterlina'”.
Mbape ka vetëm 12 muaj të mbetur në kontratën e tij me PSG dhe sulmuesi nuk ka në plan të nënshkruajë një marrëveshje tjetër me klubin.
Lini një Përgjigje