FLASH
Shkruar nga Pamfleti
Tomas Guash ka reaguar pas fjalëve të Leo Mesit, që tronditën botën e futbollit, pas fitores së fundit kundër Venezuelës. Ylli 38-vjeçar tha se nuk e sheh të sigurt pjesëmarrjen në Botërorin 2026:
“Nuk besoj se do të luaj një tjetër Botëror. Për moshën që kam, është logjike të mos arrij deri atje. Jam i motivuar, por vendos ditë pas dite, ndeshje pas ndeshjeje”.
Deklarata e tij, dhënë menjëherë pasi u nderua në atë që ishte ndeshja e fundit zyrtare para tifozëve argjentinas, ka hapur debate të shumta. Guash tha në “Tiempo de Juego”:
“Ishim të qetë deri sa Mesi vuri në dyshim praninë e tij. Po të kishte një arsye që ky Botëror të ishte special, ishte pikërisht ‘vallëzimi i fundit’ mes Mesit dhe Ronaldos. Do të ishte një epope madhështore për futbollin dhe sportin botëror, por tani Leo e vë në dyshim…”
Gazetari shtoi me ironi shokuese:
“Shpresoj që Mesi të luajë Botërorin, qoftë dhe i ‘balsamosur’. Do të jenë 48 kombëtare dhe qindra futbollistë, pse vetëm Mesi të mungojë? Do të ishte një shaka e hidhur për futbollin. Nuk mund të na lërë vetëm”.
Lini një Përgjigje