FLASH
Shkruar nga Pamfleti
Barcelona duket se ka bërë një kthesë 360 gradë në planet e saj në merkato, klubi katalanas ka vendosur të mos vazhdojë me interesimin për Niko Uilliams. Pavarësisht se anësori i ri i Atletik Bilbaos u identifikua merkaton e verës së kaluar si një objektiv prioritar për të forcuar sulmin katalanas, performanca e tij këtë sezon nuk i ka bindur drejtuesit e Barcelonës.
“MundoDeportivo” raporton se 22-vjeçari ishte një nga opsionet më të pëlqyera brenda klubit katalanas, veçanërisht për aftësinë e tij të driblimit dhe shpejtësinë në krahun e majtë. Megjithatë, performancat e fundit nuk i kanë përmbushur pritshmëritë, duke bërë që zyrtarët e Barçës të rishqyrtojnë vendimin e tyre.
Një tjetër faktor kyç në këtë vendim është forma e shkëlqyer e Rafinjës. Sulmuesi brazilian e ka vendosur veten si një pjesë kyçe në skemën e Hansi Flik, duke shfaqur një nivel të lartë që largoi dyshimet për vazhdimësinë e tij.
Drejtuesit e Barcelonës kanë hequr dorë përfundimisht nga mundësia për të transferuar një anësor, ndërkohë që janë të fokusuar të afrimi i një qendërsulmuesi për të plotësuar sulmin, kërkesë e trajnerit Hansi Flick.
Ndalimi i interesit të Barcelonës ndaj Nico Williams është një lajm i keq për Lamine Yamal, i cili është shprehur disa herë publikisht se e sheh shokun e tij te Spanja si një partner ideal për të përmirësuar lojën në krahë te Barcelona dhe do ishte një ëndërr të luanin bashkë te klubi katalanas.
Lini një Përgjigje