FLASH
Shkruar nga Pamfleti
Ndërkohë organet e drejtësisë kanë nisur hetimet mbi ngjarjen tragjike.
Një ngjarje e rëndë ka ndodhur ditën e djeshme në zonën kufitare mes Kosovës dhe Shqipërisë, pasi një çift bashkëshortësh u gjetën të pajetë në banesë.
Mediat kosovare bëjnë me dije se biznesmeni Mic Tofaj dhe bashkëshortja e tij, Fatlinda Maloku Tofaj u gjetën të vdekur në një shtëpi banimi, në rrethana akoma të paqarta.
Ndërkohë organet e drejtësisë kanë nisur hetimet mbi ngjarjen tragjike.
“Sapo janë tërhequr trupat e pajetë nga Instituti i Mjekësisë Ligjore, me urdhër të Prokurorisë do të bëjnë edhe autopsinë. Në vendin e ngjarjes ka ende hetues policor dhe bashkë me prokurorin e krimeve të rënda janë duke kryer ekzaminimet e nevojshme. Dyshimet e para janë se ka pasur një shpërthim dhe nga asfiksia të njëjtit kanë ndërruar jetë”, njofton prokuroria.
Dy viktimat ishin së bashku me dy fëmijët e tyre, njëri 1 vjeç e tjetri 9, në vilën e tyre në Bjeshkët e Junikut.
Po ashtu dyshohet se shkak për ngjarjen e rëndë të jetë bërë kontakti me rrymën elektrike në tualetin e tyre. Viktimat janë gjetur të pajetë nga djali i tyre i madh i cili më vonë ka lajmëruar dajën e tyre. Mic Tofaj, ishte dhe pronar i fabrikës së ujit “Juniku”.
Lini një Përgjigje