FLASH
Shkruar nga Pamfleti
Presidentja e Kosovës, Vjosa Osmani gjatë qëndrimit në Londër ka marrë pjesë në pritjen e organizuar nga Familja Mbretërore, me rastin e kurorëzimit të Mbretit Charles III.
Me anë të një postimi në rrjete sociale, Osmani u shpreh se është e nderuar që mund t’i shprehë urimet më të ngrohta në emër të popullit të Kosovës.
Sipas pamjeve të publikuar nga vetë presidentja, ajo është takuar me Mbretin Charles III dhe princin e Uellsit, William.
“Sonte në pritjen e organizuar nga Mbreti Charles III i Mbretërisë së Bashkuar, përcolla urimet më të përzemërta të popullit të Kosovës, si dhe kisha mundësinë të bashkëbisedoj me liderë të tjerë për thellimin e raporteve tona me shtete mike anekënd botës”, ka shkruar Osmani.
Honored to be able to extend the warmest wishes on behalf of the people of the Republic of Kosovo to the @RoyalFamily on this special occasion!#Coronation pic.twitter.com/ZAriffFEtr
— Vjosa Osmani (@VjosaOsmaniPRKS) May 5, 2023
Para ceremonisë së Kurorëzimit të Mbretit, presidentja e Kosovës Vjosa Osmani mbrëmë ka marrë pjesë në pritjen e organizuar nga Mbreti Charles III dhe anëtarë të Familjes Mbretërore për liderët botërorë në Buckingham Palace.
Siç ka njoftuar Zyra e Presidencës, më 6 maj, presidentja Osmani dhe bashkëshorti i saj Prindoni, krahas krerëve shtetërorë nga e gjithë bota, do të marrin pjesë në ceremoninë zyrtare të Kurorëzimit të Mbretit Charles III në Westminster Abbey.
Lini një Përgjigje