FLASH
Shkruar nga Pamfleti
Ai ka thënë se të gjithë përgjegjësit do të përballen me drejtësinë.
Disa të dyshuar janë arrestuar në fshatrat e Zubin-Potokut sot pas bastisjeve nga Policia e Kosovës.
Ende nuk dihen nëse të dyshuarit kanë lidhje me shpërthimin në Ibër-Lepenc. Përveç arrestimeve, Policia ka konfiskuar edhe sekuestrimin e disa materiale të ndryshme.
Kryeministri Albin Kurti gjatë vizitës në Varagë paraditen e sotme u shpreh se për shpërthimin nuk janë përgjegjës vetëm një ose dy persona, “por një grup i strukturuar i dirigjuar nga Serbia”.
Kreu i qeverisë së Kosovës bën fajtore Serbinë për ngjarjen dhe kërkoi nga Uashingtoni e Brukseli dënimin e Serbisë dhe të kërkojnë përgjegjësi prej tyre.
“Policia në Kosovë nuk është kundër serbëve, por Serbia është kundër Kosovës dhe ajo financon, mbështet, dirigjon grupe të tilla kriminale që i kanë në listë të rrogave dhe në organigramë të pushtetit. Prandaj dhe ne e bëjmë fajtor Serbinë për këtë dhe kërkojmë nga faktorët ndërkombëtarë sidomos nga Brukseli dhe Uashingtoni që ta dënojnë Beogradin dhe të kërkojnë përgjegjësi prej tyre. Nuk është e rastësishme heshtja e presidentit të Serbisë. Nuk është e rastësishme që ata po presin sa është dëmi, sa na kanë destabilizuar në mënyrë që të shohin çfarë episodesh të tjera të organizojnë. Ky ishte sulmi i tretë në 72 orët e fundit”, u shpreh Kurti.
Sipas tij, është e pamundur që sulmi të jetë organizuar nga qytetarë të zakonshëm. Pas saj, për Kurtin fshihet një organizatë profesioniste në sulme terroriste.
“Këto sulme janë kryer nga profesionistë. Unë e pashë në vendin e ngjarjes, nuk ka mundësi që këtë ta bëjë një individ apo dy, nuk ka mundësi që këtë ta bëjnë qytetarët e zakonshëm. E ka bërë një organizatë që është profesioniste në sulme të këtilla terroriste dhe aftësinë, kapacitetin, interesin për një gjë të tillë e ka veçse Serbia. Të gjithë e dini që me datën 29 Qershor të vitit të kaluar, Mbrojtjen Civile dhe Brigadën Veriore i kemi shpallur organizata terroriste. Këto organizata sidomos Mbrojtja Civile janë me ligj në Serbi edhe në listë të rrogave atje sepse u ndahet buxhet atje. Prandaj edhe ne e mbajmë përgjegjës Serbinë për këtë”, tha ai./ Pamfleti
Lini një Përgjigje