FLASH
Shkruar nga Pamfleti
Kreu i Partisë së Lirisë Ilir Meta ka mbërritur në selinë e PD mëngjesin e sotëm ku do zhvillojnë një takim me ish-kryeministrin Sali Berisha.
Takimi vjen një ditë pas regjistrimit të koalicionit “Bashkë Fitojmë” në KQZ për zgjedhjet në Kukës.
Komisioni Qendror i Zgjedhjeve dje regjistroi Koalicionin “Bashkë Fitojmë” në garën elektorale për Bashkinë e Kukësit, që do të mbahet më 24 shtator.
Kryekomisioneri Ilirian Celibashi, në mbledhjen e zhvilluar tha se ky koalicion përbëhet nga Partia e Lirisë e drejtuar nga Ilir Meta dhe drejtuese e koalicionit dhe Partia Demokristiane. Sipas Celibashit, shkronjat nistore të koalicionit janë “BF”.
Kandidati i Berishës do të jetë Emri Vata, i dalë nga procesi i primareve, ndërsa socialistët ia kanë besuar këtë gare Albert Halialjt. Ndërkohë, ditën e sotme përfundon afati për dorëzimin e kandidaturave, ndërsa PD e Lulzim Bashës nuk ka bërë ende publik emrin.
Lini një Përgjigje