FLASH
Shkruar nga Pamfleti
Presidenti Bajram Begaj ka takuar sot në Presidencë, homologun francez, Emmanuel Macron.
Gjatë takimit kokë më kokë, Begaj nënvizoi se vizita historike e Macron në Shqipëri, demonstron interesin e përbashkët për forcimin e marrëdhënieve dypalëshe, si dhe në drejtim të paqes, sigurisë dhe zhvillimit të rajonit të Ballkanit Perëndimor.
Begaj shprehu mirënjohjen për mbështetjen që Franca dhe Presidenti Macron i kanë dhënë procesit të zgjerimit dhe të integrimit evropian të Shqipërisë dhe të vendeve të tjera të rajonit të Ballkanit Perëndimor nëpërmjet Procesit të Berlinit.
Kreu i Shtetit falenderoi gjithashtu homologun francez, për kontributin në mbështetje të dialogut midis Kosovës dhe Serbisë, duke nënvizuar nevojën e dënimit dhe të shkurajimit të akteve të dhunës dhe të provokimeve në komunat e Veriut të Kosovës.
“Kosova është vend sovran dhe i pavarur. Akte terroriste si ajo e Banjskës në Zveçan (24 shtator 2023), janë të papranueshme e të dënueshme për sigurinë e saj, por edhe të rajonit e të mbarë kontinentit evropian”, tha Begaj.
Lini një Përgjigje