FLASH
Shkruar nga Pamfleti
Rithemelimi i Sali Berishës ka përfunduar analizën e bërë për zgjedhjet e 14 majit 2023 që i humbi thellë ndaj PS.
Berisha ka dalë në përfundimin se ky proces elektoral ishte fars.
E të gjithë këtë analizë, nën kujdesin e Berishës e kanë bërë një libër të shkruar në gjuhën angleze. Libri mban titullin “Farsa elektorale e 14 majit 2023 në Shqipëri”, e teksa një rresht sipër saj shkruhet “Libri i zi i zgjedhjeve”.
Për këtë do të bëjnë edhe një promovim, sot në orën 11:00.
Që pas zyrtarizimi të rezultatit, Berisha ka akuzuar kryeministrin Edi Rama se ka vjedhur zgjedhjet e 14 majit.
Koalicioni “Bashkë Fitojmë” mes tij dhe Ilir Metës së Partisë së Lirisë mori 7 Bashki.
Shqipëria u ngjyros kryesisht rozë në shkallë vendi me 53 bashki të fituara nga socialistët kundrejt vetëm 7 bashkive të marra nga opozita.
Në Kavajë, Has, Fushë Arrëz, Pukë, Mirditë, Himarë dhe Memaliaj koalicioni Berisha-Meta pati më shumë vota se rivalët zgjedhorë, por bashkitë e mëdha të konsideruara bastione të djathta si Shkodrën dhe Kamzën, i humbën.
Përpjekjet e opozitës për të ankimuar rezultatin me 6 padi nuk patën efekt për ndryshimin e rezultatit, as në Rrogozhinë ku u përsëritën zgjedhjet. Pakënaqësitë për procesin zgjedhor i shprehën edhe në mbledhjen e fundit në lidhje me rezultatin e 14 majit.
Lini një Përgjigje