FLASH
Shkruar nga Pamfleti
Pas më shumë se dy orësh debate në Komisionin Hetimor të sistemit TIMS, kryetari Ervin Salianji ka pranuar kërkesën e ministrit të Brendshëm Taulant Balla që mbledhja gjatë dëshmisë së tij të zhvillohet me dyer të mbyllura.
Pas refuzimeve dhe përplasjeve me deputetët e PS, Salianji ka pranuar të hedhë në votim kërkesën e Ballës, e cila u miratua me shumicë votash.
Tashmë, ministri Taulant Balla do të dëshmojë me dyer të mbyllura.
Balla theksoi se çështja “TIMS” është objekt hetimi penal e për pasojë të dhënat nuk mund të bëhen publike për shkak të nevojave hetimore që lidhen me këtë procedim penal në proces e sipër.
Gjithashtu, u vendos që të pranishëm do të jenë vetëm deputetët që janë të pajisur me certefikatë sigurie. Shumica e deputetëve janë të pajisur me certefikatë sigurie, por ata që nuk e kanë do të detyrohen të largohen nga mbledhja.
Kujtojmë se, nënkryetari Tonin Gogu kundërshtoi deputetin e partisë Demokratike Ervin Salianji, duke i kërkuar të hedhë në votim kërkesën e Ballës, teksa shtoi se ky komision është vend pune dhe jo spektakli.
Sot pritej që të dëshmonin ministri Taulant Balla, kreu i Policisë Muhamet Rrumbullaku dhe personi që akuzohet se hyri në sistem Ervin Muça.
Lini një Përgjigje