FLASH
Shkruar nga Pamfleti
Ilir Meta dhe Sali Berisha kanë ndryshuar strategjinë e fushatës. Deri në mes të kësaj jave ata po e zhvillonin të ndarë fushatën, por pas zërave se kishin përplasje, kanë vendosur të shfaqen bashkë. Në Vorë e prezantuan bashkë kandidatin për bashkinë, ndërsa të njëjtën gjë kanë bërë dhe në Elbasan.
Ilir Meta ka vlerësuar kandidaturën e Luçiano Boçit në Elbasan, ndërsa ka treguar synimin e tij për këtë qark, duke thënë se rezultati për zgjedhjet do jetë 7-9.
Nga Elbasani, Meta tha se është krim që të lihen qytetarët bashkive të këtij qarku në dorë të Rilindjes.
“I dashur kryebashkiak i Elbasanit, Luçiano Boçi. Zgjedhjet në Elbasan kanë përfunduar që ditën kur Boçi la mandatin e deputetit për t’ju kthyer identitetin qytetarëve. Qyteti u nëpërkëmb nga sekti i Rilindjes. Ti nuk je vetëm përfaqësues i koalicionit tonë, por përfaqësues i opozitës qytetare elbasanas. Faleminderit që ke ndezur flakën e fitores në të gjitha bashkitë e qarkut të Elbasanit. Elbasani duhet të dalë 7-0. Është krim të lëmë popullin e Gramshit në dorë të atyre që zihen me grushte, apo atyre të Librazhdit që zihen për tenderat. Ndaj votoni kandidatët tanë”, tha Meta.
Lini një Përgjigje