FLASH
Shkruar nga Pamfleti
Deputeti demokrat, Saimir Korreshi, në një intervistë ka komentuar mbledhjen e mbështetësve të ish kryeministrit Sali Berisha poshtë banesës së tij, ku ndodhet me arrest shtëpie. Korreshi gjatë intervistës ka zbuluar edhe arsyen pse nuk ka qenë i pranishëm.
Ai u shpreh se ka çështje më të rëndësishme me të cilat deputetët e opozitës duhet të merren.
“Nuk jam Shekspiri që të merrem me ballkonin e Romeo dhe Zhulietës. Do merresha më tepër me hallet që ka shteti me respektimin e ligjit dhe me gjendjen e dakordësisë sesi opozita do ta quajë veten, si do ta quajë pra grupi I Berishës, i Bardhit apo i Bashës”, tha Korreshi në “Report Tv”.
Më tej ai shtoi se personat që mblidhen poshtë dritares së Berishës janë të ngjashëm me tifozët e skuadrave të futbollit të cilët nuk heqin dorë edhe kur skuadra e tyre është në gjendje të keqe apo humb thellë.
“Ata e shohin Berishën si lider absolut është si me tifozët e sportit, edhe kur humb rëndë për shembull 7-0, nuk heqin dorë. E shoh positive se ai ka nevojë edhe të ketë mbështetës”, shtoi ai.
Lini një Përgjigje