FLASH
Shkruar nga Pamfleti
Trupa profesioniste e Teatrit “Aleksandër Moisiu”, së bashku me regjisorët, zhvilloi workshop-in e parë me nxënësit pjesëmarrës, duke i përfshirë drejtpërdrejt në zemër të procesit krijues.
Ky festival zhvillohet për herë të parë në qytetin e Durrësit, nën drejtimin e Drejtoreshës së Teatrit, Alketa Traga Myshket.
Ai shënon një ngjarje të rëndësishme kulturore për edukimin e brezit të ri nëpërmjet artit dhe për fuqizimin e zërit të të rinjve në skenë.
Gjatë takimit të parë, nxënësit u njohën nga afër me trupën artistike regjisorë, aktorë, skenograf/kostumograf si dhe me rrugëtimin e një produksioni teatral: nga ideja, te prova, deri në realizimin skenik.
Shfaqjet e të rinjve do të zhvillohen nën udhëheqjen e regjisorëve:
Najada Elmazi, Elios Ibro, Jona Berisha si dhe me mbështetjen e trupës së aktorëve të Teatrit “Aleksandër Moisiu”.
Në fund të muajit mars do të prezantohen shfaqjet e gjimnazeve pjesëmarrëse, ku do të ndahen çmime motivuese për talentet e reja.
Ndërsa më 2 prill, në një datë simbolike që përkon me ditëlindjen e Aleksandër Moisiu ,do të jepet shfaqja fituese e festivalit.
Udhëtimi sapo ka filluar dhe skena i përket brezit të ri.
Lini një Përgjigje