FLASH
Shkruar nga Pamfleti
Të tjera detaje janë zbardhur nga ngjarja e rëndë që tronditi Tiranën, ku një 24-vjeçare, u gjet e pajetë në një banesë të marrë me qira.
Ngjarja e rëndë ndodhi në 27 shkurt, ndërsa dyshohet se viktima e identifikuar si Rayyan Alwan, e cila ishte vrarë me thikë, kishte humbur jetën disa ditë më parë.
Fillimisht u raportua se e reja ishte vrarë nga bashkëshorti. Por Policisë së Tiranës i kanë mbërritur dokumente nga Interpoli që konfirmojnë se Rayyan Alwan dhe Fadi Alwan janë babë e bijë.
Të dhëna të tjera nuk janë dërguar nga Interpol ende që mund të tregojnë përbërjen e familjes se tyre.
Ndërkohë gazeta e madhe holandeze ‘De Telegraaf’ raporton se autori i krimit mund të fshihet në Holandë.
Media holandeze hedh dyshime se viktima është përdhunuar përpara se të vritej. Ekspertiza për vdekjen e vajzës nga Palestina ende nuk ka përfunduar nga instituti i mjekësisë ligjore.
Burime nga policia bëjnë me dije se nga këqyrja e kamerave ka rezultuar se të gjitha komunikimet ne aeroport apo me pronarët e banesës që u mor me qira, i kryente vetëm i ati pasi 24-vjeçarja nuk fliste fare.
Policia kishte dyshime se dy palestinezët kishin përdorur dokumente false por deri më tani nuk ka rezultuar një gjë e tillë.
Lini një Përgjigje