FLASH
Shkruar nga Pamfleti
Një 24 vjeçar është arrestuar nga policia e Lushnjes, pasi i është gjetur sasi lënde të dyshuar narkotike kanabis dhe një shkop metalik si i Policisë.
Policia bënë me dije se bëhet fjalë për të riun Marjus Gjoni, banues në Dushk.
“Shiste në afërsi të lokaleve, doza të lëndëve narkotike heroinë dhe kanabis, në kuadër të operacionit policor të koduar “Dozat”, vihet në pranga 24-vjeçari.
Specialistët për Hetimin e Krimeve të Komisariatit të Policisë Lushnjë, me mbështetjen e inteligjencës informative, për një rast të shitjes në afërsi të lokaleve të qytetit të Lushnjës, të drogave të forta dhe kanabisit, në doza, në kuadër të operacionit policor të koduar “Dozat”, kapën dhe arrestuan autorin e dyshuar të këtij rasti, shtetasin Marjus Gjoni, 24 vjeç, banues në Dushk, Lushnjë.
Gjatë kontrolleve, shërbimet e Policisë i gjetën 24-vjeçarit, një sasi lënde të dyshuar narkotike kanabis dhe një shkop metalik si i Policisë, të cilat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Rrethit Gjyqësor Lushnjë, për veprime të mëtejshme, për veprat penale “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta,” njoftimi i policisë.
Lini një Përgjigje