FLASH
Shkruar nga Pamfleti
Një shqiptar është arrestuar në Zvicër pasi akuzohet për trafikun e 52 kg kokainë dhe 8 kg heroinë. Në dukje familjar dhe i rregullt, 40-vjeçari bënte jetë të dyfishtë pasi merrej me transport lëndësh narkotike.
Në vetëm gjashtë muaj ai shiti 52 kilogramë kokainë dhe tetë kilogram heroinë në Aargau. Shitjet arritën në mbi 2.5 milionë franga zvicerane. Hetuesit e vunë në gjurmët e tij përmes një kripto-telefoni të konfiskuar. Këto pajisje nga Sky Global mundësojnë komunikim të koduar, veçanërisht për qëllime kriminale.
Europol arriti të deshifrojë bisedat. Kështu, policia zviceriane fitoi akses në mesazhet inkriminuese nga bosi i drogës. Aty u gjetën fotografi të parave të gatshme dhe udhëzime të hollësishme për dërgesat e drogës.
Hetuesit kanë mundur të lidhin të akuzuarin me emrin e përdoruesit “TP46MT”. Në gjykatë, i pandehuri heshti për akuzat. Avokati i tij mbrojtës argumentoi se bisedat nuk ishin të pranueshme si provë dhe kërkoi shfajësim për klientin e tij.
Megjithatë, sipas “Aargauer Zeitung”, Gjykata e Qarkut në Lenzburg ndoqi zyrën e prokurorit publik dhe e dënoi me 16 vite burg dhe 15 vite dëbim nga vendi.
Lini një Përgjigje