FLASH
Shkruar nga Pamfleti
"Nuk vdes unë pa iu ngrenë hallvën të gjithëve, nuk ma ju hani mua"...
Seanca gjyqësorë në GJKKO për dosjen “Plumbi i Artë” është shoqëruar me replika mes të dënuarve dhe bashkëpunëtorit të Drejtësisë, Nuredin Dumani.
Gjatë seancës, pyetjet e avokatit Ilia Ilia, i cili përfaqëson Agron Qolin janë konsideruar si analiza nga ana e prokurorëve.
Ndërkohë që debati ka nisur pasi dikush nga të pandehurit ka provokuar Nuredin Dumanin.
Por ky i fundit gjatë seancës është dëgjuar t’i kthehet me tone të ashpra.
“Do jua ha unë hallvën të gjithëve”, mësohet të jetë shprehur Nuredin Dumani, ndërkohë që ka vijuar: “nuk mund të ma hani hallvën ju mua”.
Nga ana tjetër i dënuarit tjetër, Enver Diva është shprehur me tone të ashpra ndaj Nuredin Dumanit: “Do ta shohim kush do ja haj hallvën njëri-tjetrit, pse rren”.
Debati në sallë:
Avokati Ilia Ilia: Në çrrethana jeni njohur me Agron Qolin?
Dumani: E kam pasur komshi. Kemi qenë edhe miq. E njoh nga 2001-2003. Agroni në 2012 u largua në Durrës.
Kemi pasur marrëdhënie shumë të mira dhe hyrje-dalje familjare. Për një farë kohë unë kam punuar me Agronin në një pallat ku ai iahte teknik ndërtimi.
Av: Me kë punonte aty?
Dumani: Investitor ishte Enea Prifti. Unë kam punuar disa muaj aty.
Avokati: Cilat ishin marrëdhëniet mes Agron e Petrit Qolit?
Dumani: Ishin kushërinj. Petrit Qoli ishte ndërtues pallatesh, ndërsa Agroni teknik. Nuk di të kenë punuar bashkë.
Avokati: A shoqërohej Agroni me Festim Qolin?
Dumani: Po patjetër, çdo natë tek lokali i Festimit ishin.
Avokati: Kur je shoqëruar me Besnik Qolin, a ke diskutuar për marrëdhënien e tij me Agron Qolin.
Dumani: Ai fliste me respekt për të. E konsideronte njeri serioz.
Avokati Ilia: A ka pasur njohje Agron Qoli me Festim Qolajn?
Dumani: Nuk e di.
Avokati: Nga njihej Agron Qoli dhe Enea Prifti.
Dumani: Lidhja e tyre ishte Festim Qoli.
…..
Dumani: Nuk vdes unë. Pa ju ngrenë hallvën të gjithëve nuk ma hani mua.
I pandehuri Enver Diva nga kafazi: Do e shohim ne se kush ja ha hallvën njëri tjetrit.
Lini një Përgjigje