FLASH
Shkruar nga Pamfleti
Marenglen Koçiu, personi që humbi jetën dy ditë më parë në autostradën Lushnjë-Tiranë, ishte avokat i njohur.
Kolegët dhe miqtë e tij kanë ndarë mesazhe ngushëllimi në rrjetet sociale, duke reaguar me trishtim për ikjen e tij të parakohshme.
56 vjeçari rezulton se po kalonte në këmbë nga njëra anë e autostradës në tjetrën, kur është përplasur nga një makinë e drejtuar nga shtetasi, Lulzim Balilaj.
Fatkeqësisht, si pasojë e plagëve të marra nga përplasja, avokat Marenglen Koçiu ka ndërruar jetë në vendngjarje. Aksidenti ka ndodhur në orën 02:00 të mëngjesit të ditës së shtunë dhe sot mësohet se viktima është avokat i njohur.
"Rreth orës 02:00 të mëngjesit, në aksin rrugor "Lushnjë-Tiranë", shtetasi L. B., duke drejtuar automjetin, ka përplasur këmbësorin, shtetasin M. K., 56 vjeç, i cili si pasojë e përplasjes ka humbur jetën në vendngjarje.
Shtetasi L. B., u shoqërua në Komisariat për veprime të mëtejshme. Grupi hetimor po punon për sqarimin e plotë të rrethanave të aksidentit."-njoftoi policia.
Lini një Përgjigje