FLASH
Shkruar nga Pamfleti
Komanda Qendrore e SHBA-së (CENTCOM) ka njoftuar se ka përfunduar raundin e fundit të sulmeve ajrore ndaj Iranit, duke mbyllur natën e 11-të radhazi të operacioneve ushtarake.
Sipas deklaratës, objektiv i sulmeve ishin hangarët e avionëve, depot e dronëve dhe qendrat e operacioneve të forcave iraniane.
CENTCOM thekson se qëllimi i operacionit ishte "të degradohej më tej aftësia e Iranit për të kërcënuar anijet tregtare në Ngushticën e Hormuzit".
Në të njëjtën deklaratë, ushtria amerikane pretendon se Irani ka sulmuar mbi 30 anije tregtare gjatë tre muajve të fundit në këtë korridor strategjik detar.
Nga ana tjetër, SHBA deklaron se prania e saj ushtarake ka bërë të mundur "lehtësimin e tranzitit të rreth 900 anijeve tregtare dhe 450 milionë fuçive naftë bruto" nëpër Ngushticën e Hormuzit.
Deklaratat e CENTCOM pasqyrojnë qëndrimin e Shteteve të Bashkuara dhe nuk janë shoqëruar në këtë njoftim me një reagim nga autoritetet iraniane.
Lini një Përgjigje