FLASH
Shkruar nga Pamfleti
Tre persona u arrestuan nga policia gjermane në Berlin, pasi tentuan ti merrnin me dhunë një 58-vjeçari një shumë prej 200 mijë eurosh, që sapo i kishte tërhequr nga banka.
Burri po i mbante eurot në një qese plastike kur u sulmua nga 3 persona.
Rastësisht në vendin e ngjarjes ishin edhe dy policë civilë, që ndërhynë menjëherë.
Sipas mediave gjermane, 58-vjeçari u sulmua fizikisht nga një 21-vjeçar në Hardenbergstrasse në Berlin-Charlottenburg, sapo burri doli me një shumë të madhe parash nga dega e Volksbank.
Oficerët nga seksioni 25 i Berlinit vëzhguan sulmin dhe e ndoqën autorin në arrati në Knesebeckstrasse. Aty grabitësi u arrestua.
Dy bashkëpunëtorë të dyshuar, të moshës 31 dhe 49 vjeç, janë arrestuar nga punonjës të tjerë policie. Treshja iu dorëzua policisë kriminale vendase dhe u procedua për identifikim.
Lini një Përgjigje