FLASH
Shkruar nga Pamfleti
Një shpërthim ka ndodhur në një bllok banesash trekatëshe në Hagë.
Shpërthimi shkaktoi shembjen e disa shtëpive në zonën Tarwekamp rreth orës lokale 06:15.
Banorët e lagjes Mariahoeve në Hagë thanë se dëgjuan një zhurmë të madhe para agimit. Një grua tha për mediat lokale se mendonte se kishte pasur një tërmet.
Ekipet e shpëtimit janë në kërkim të rreth 20 personave që mendohet se kanë qenë aty në momentin e shpërthimit. 4 të tjerë raportohet se janë nxjerrë nga rrënojat deri më tani.
"Rreth orës 06:15 të mëngjesit është shembur pjesërisht një objekt trekatësh dhe ka rënë zjarr. Deri më tani katër të plagosur janë dërguar në spital”, thuhet në njoftimin e Brigadës së Zjarrfikësve.
Aktualisht nuk ka të dhëna të qarta për shkakun e shpërthimit. Megjithatë, policia tha se ata ishin në kërkim të një makine të parë duke u larguar nga vendi i ngjarjes.
Stacionet televizive lokale intervistuan një fqinj i cili raportoi se kishte dëgjuar një fëmijë duke bërtitur për ndihmë ndërsa ndërtesa digjej.
Kryeministri holandez, Dick Schoof, tha se ishte i tronditur nga imazhet e tmerrshme: “Mendimet e mia janë te të plagosurit, për të gjithë njerëzit e tjerë të përfshirë dhe për shërbimet e urgjencës që po punojnë në vend”.
Bij daglicht is goed te zien wat voor ravage er is ontstaan aan het #Tarwekamp in #DenHaag nadat daar vanmorgen een gigantische explosie heeft plaatsgevonden. Speciale reddingsteams zijn ter plaatse om te gaan zoeken naar slachtoffers. pic.twitter.com/UDfYUyN79c
— District8.net (@RedactieD8) December 7, 2024
Lini një Përgjigje