FLASH
Shkruar nga Pamfleti
Plani i Trump për luftën Hamas-Izrael ka shkaktuar revolta në Gaza.
Presidenti amerikan Donald Trump ka propozuar zhvendosjen e banorëve të Rripit të Gazës në Egjipt dhe Jordani, si pjesë e një plani paqeje.
Organizata palestineze Xhihadi Islamik, aleate e Hamasit në Gaza, ka hedhur poshtë idenë e presidentit amerikan Donald Trump për të zhvendosur palestinezët në vendet e rajonit, duke konsideruar se deklaratat e tij nxisin "krime lufte dhe krime kundër njerëzimit".
Nga ana e tij, një zyrtar i lartë i Hamasit i tha AFP se palestinezët do të refuzojnë propozimin e Donald Trump për t'u zhvendosur në vende të tjera "pasi të gjitha planet e zhvendosjes kanë dështuar për dekada të tëra".
Pas 15 muajsh lufte, të shkaktuar nga inkursioni i paprecedentë i Hamasit në jug të Izraelit më 7 tetor 2023, Donald Trump tha se për situatën do të flasë me mbretin Abdullah II të Jordanisë dhe të dielën do ta diskutojë me presidentin egjiptian Abdel Fattah al-Sisi.
“Po flasim për një milion e gjysmë njerëz dhe më pas do ta pastrojmë të gjithë këtë gjë. E dini, gjatë shekujve, ka pasur shumë e shumë luftëra atje. Dhe tani, nuk e di, diçka duhet bërë”, tha Trump.
Shumica dërrmuese e rreth 2.4 milionë banorëve të Rripit të Gazës u zhvendosën gjatë luftës, në shumicën e rasteve në mënyrë të përsëritur.
Donald Trump, i cili gjatë mandatit të tij të parë si president (2017-2021) përsëriti se Izraeli "kurrë nuk ka pasur një mik më të mirë në Shtëpinë e Bardhë", konfirmoi gjithashtu se ai vazhdoi të heqë pezullimin e dërgesave të bombave 907 kg në ushtrinë izraelite që ishte vendosur nga qeveria e mëparshme.
Administrata e paraardhësit të tij demokrat, Joe Biden, vitin e kaluar pezulloi dërgesat e këtyre bombave, të cilat konsiderohen si jashtëzakonisht të fuqishme, me argumentin se ato kishin shkaktuar një "tragjedi të madhe njerëzore".
Lini një Përgjigje