FLASH
Shkruar nga Pamfleti
Është formuluar projekt-rezoluta e Këshillit të Sigurimit të OKB-së për luftën në Gaza, e cila do të votohet më vonë gjatë ditës së sotme.
Përfundimi i tij nuk ka qenë i lehtë dhe ka pasur ditë grindjesh diplomatike në Nju Jork për formulimin e saktë të dokumentit, duke bërë që ky votim të vonohet vazhdimisht që nga e hëna.
Gjuha në propozimin e Emirateve të Bashkuara Arabe thuhet se tashmë është zbutur në një përpjekje për të shmangur një veto të mundshme të draftit, pasi SHBA bllokoi rezolutat e mëparshme duke përdorur kompetencat e saj si një nga pesë anëtarët e përhershëm të Këshillit të Sigurimit.
Por çfarë kërkon projekt rezoluta e re e cila pritet të miratohet sot:
-Palët e konfliktit në Gaza të respektojnë detyrimet e tyre sipas ligjit ndërkombëtar, në lidhje me mbrojtjen e civilëve
-Pauza dhe korridore humanitare urgjente dhe të zgjatura në të gjithë Rripin e Gazës për një numër të mjaftueshëm ditësh për të mundësuar akses të plotë, të shpejtë, të sigurt dhe të papenguar humanitar.
-Lirimi i menjëhershëm dhe pa kushte i të gjithë pengjeve, si dhe sigurimi i aksesit të menjëhershëm humanitar
-Përsëritja e vizionit të zgjidhjes me dy shtete, me Rripin e Gazës si pjesë e një shteti palestinez
-Gjithashtu u bën thirrje të gjitha palëve që të "përmbahen nga privimi i popullatës civile në Rripin e Gazës nga shërbimet bazë dhe ndihma humanitare të domosdoshme për mbijetesën e tyre".
Lini një Përgjigje